Куран
(удм)
Нырысь ик нылэз юаны мыно. Ныллэн анаез-атаез пумит ӧвӧл ке, ӝӧк пуме нянь колды но вӧй поно, номыр ог-огзылы уг кузьмало.
Собере ини кураны лыкто (ныл ярашон). Мар понна лыктэмзэс пырак уг верало, котыръяса шуо: «Ветылмы ышиз но сое утчаса ветлӥськом». Ныллэн анай-атаез нырысь пыкисько сётонлэсь: «Ми дорын ветылды ӧвӧл, тани артэ коркась юалэ».
Кема озьы пумитъясько, берло соглаш луо.
Сватовство
(рус. перевод)
В первую очередь ехали знакомиться к девушке. Если родители девушки не против, то на край стола ставили каравай хлеба. Ничего друг другу не дарили.
Потом уже приходили свататься (ныл ярашон). Гости не сразу говорят за чем пришли, обходят тему: «Телка пропала, вот ходим в поисках». По началу родители отпираются от выдачи дочери: «У нас нет телки, спросите в соседнем доме».
Долго таким образом сопротивляются, потом приходят к согласию.
Сюан
(удм)
Пересьёслэн верамзыя, сюанчиос, пе, ныл доры лыктыса, туж уродъясько вал. Кенсысь асьсэос ик чик нокинлэсь юатэк, сезьыез поттыса валъёссылы сюдылӥзы, липет йылэ тубыса муръёетӥ атасэз лэзьяллям.
Сюанчиос кенлы мыныкузы, нырысь ик дэмчи доры пырылӥзы, нош ныл дорын пытсам капка улэ лопата донгаса, сюанчиослэсь уксё курилӥзы. Сюанчиос тӧролэсь сюан гур курыса, сое азьло ик юн пуныса дасям ӵушконэн жугылӥзы. Собере гинэ тӧр мытэ сюан гурез.
Лыктӥд-а, лыктӥд-а, лэктэмды потыса?
Ми возьмамы тӥледыз ук, весь но малпаса /2.
Собере сюанчиос асьсэлэсь лыктэм сюрессэс вераса кырӟало:
Валъесмы но лыктизы юргаса но юргаса,
Асьмеос но лыктӥмы, весь тӥледыз малпаса.
Тэтчомы но чигомы,
Выж сайгаттэс.
Ӝутомы но поттомы,
Пурысьтам бекчедэс.
Возьма дыр, возьма дыр Олёшкаед.
Ку гынэ вуоз нуналэд.
Мынэсьтым чебер Сандӥме
Ку ваёзы мон доры.
Ӵуказеяз сюанчиосты сюдо тари ӝуклэсь кыстыбеен. Бизись ныл вордскем юртысьтыз кошкыку анаезлы, родняезлы вазиськыса ӝож гуръёс кырӟа:
Шудӥ меда, аныкае,
Серектӥ меда.
Али но возьмасько, али но возмасько
Ал вылад пуктыса вешамдэ.
Нылэз нуыны поттэм беразы дэмен сое кунылтыса, гидкуазьын кыткем вал котыртӥ куинь пол котырскыто вал. Собере гинэ кензэс валэ пуктыса эмеспи доры нуылӥзы. Ныл дорын но пи дорын но сюанчиослы но бӧрысьёслы оценка пуктыса лэзё. Шулдыръяськыны быгатӥсь муртлы кымысаз шумен «5» пукто, нош кин аракыез мултэс юэ но ассэ умойтэм возе солы «2» сяна уг йӧты.
Таӵе сямъёс Тэремшурын гинэ ӧвӧл, матысь удмурт гуртъёсын но возисько. Туала сюанъёсын ныл дорын но пи дорын но уг кӧло ни. Сояз но таяз но быдэс гуртэтӥ юмшаса уг ветло, кӧня ке корка гинэ пырало. Тросэзлэн бизись нылъёслэн удмурт дэрем дӥсямзы уг поты ни, дӥсяло ӟуч, тӧдьы дэрем. Озьы ик ышемын кен изьыян сямъёс но. Сюан бере «нерге ветлонэз» но ваньмыз уг лэсьто ни, лэсьто ке но нимыз понна гинэ.
Свадьба
(рус. перевод)
По словам старожилов, участники свадьбы, придя в гости к невесте, безобразничали: могли без спроса достать с амбара овес и накормить своих лошадей, либо поднявшись на крышу, спустить петуха по дымоходной трубе.
Участники свадьбы по пути к невесте заходили к свахе, а со стороны невесты из-под закрытых ворот просовывали лопату и просили выкуп. Гости, требуя свадебную песню у руководителя свадьбы (тӧро), били с заранее крепко заплетенными полотенцами. Только после этого руководитель свадьбы зачинал песню:
Пришел ли, пришел ли, желая прийти?
Мы же ждали, постоянно думали о вас /2.
Потом участники свадьбы запевали о дороге:
Лошади наши бежали иноходью,
Мы также пришли, постоянно думая о вас.
Прыгнем и сломаем
Ваши напольные лаги.
Поднимем и вытащим
Заплесневелую бочку.
Ждет наверно, ждет твой Олёша.
Когда только придет твой день.
Мою красивую Санди
Привезут ко мне.
На другой день кормят кыстыбеем (блин с начинкой) со пшеничной кашей. Невеста, уходя из родительского дома, поет грустные песни маме и родне:
Играла ли, мамочка,
Смеялась ли.
И сейчас жду, и сейчас жду
Усадив на коленки ласки твоей.
Выходили во двор, невесту хватали под руку и три раза обходили вокруг запряженной лошади. Только после этого, невесту усадив на лошадь, везли к жениху. Как дома у невесты так и в доме жениха всем участникам свадьбы ставили оценки. Кто хорошо веселился ставили сажей на лоб оценку «5», а кто не пил и плохо себя вел ставили не больше «2».
Такие обычаи были не только в деревне Енабердино, в ближайших деревнях тоже сохраняются. На современных свадьбах уже не ложатся спать ни в доме жениха ни в доме невесты. И уже не ходят празднуя по всей деревне, заходят только некоторые дома. Многие невесты уже не хотят одевать удмуртские традиционные наряды, одевают русские, белые свадебные платья. Так утеряна традиция одевания головного убора невесте. После свадьбы «нерге ветлон» не все уже проводят, делают только символически.
Нуны сюан
(удм)
Вордсконо нылпи шуо, таза но чебер мед луоз шуыса, пинал ваёно кышномуртэ азьло ик чакласа вазьылӥзы. Картсэ но ассэ но ӧз лэзьылэ луло арбериосты вӧсь карылыны. Нокин шоры кӧтвеськантэм, сюлэмшуген учкыны уг яра вылэм нылпи ваёно муртлы, нылпиез, пе, сыӵе ик вордскоз.
Тэремшуръёс вож пиналэз соку ик чукындыро вылэм. Нылпиез чукындырэм бере нуны сюан лэсьтылӥзы. Нуны сюанэ буш киын уг лыкто, кин ӝук, кин табань, озьы ик аракы вайылӥзы. Кӧкыысь пиналэз басьтыса, кӧняке дырлы сое киросанаезлы но киросатаезлы сёто, пиналлы шуд сӥзё, бадӟым будыны косо. Нуны сюанэ лыктэмъёс юо, заслонка жугыса, визьтэм кылъёсын кырӟало, пе, вал. Нуны сюанэз коркась корка ветлыса, куиньмой юылӥзы. Удмуртъёслэн улоназы вашкала дырысен пыӵамын ӧвӧлтэм кужымъёслы оскон сямъёс. Пичи пиналъесты соин ик асьсэ понназэс кельтылыны ӧз лэзьылэ. Соин ик пересъёс кытчы ке но потакузы, пиналлэн йыр азяз, кӧкы борды качы яке пурт донгыса кельтылӥзы.
Тэремшуръёс пӧлын нуны сюан ортчытон сямъёс быремын ӧвӧл на, куд-ог тодметъёсыз солэн ышемын ке но. Кылсярысь, тросэз егит куспалъёс ӧвӧлтэм кужымъёслы уг оско ни.
Рождение ребенка
(рус. перевод)
Чтобы ребенок родился здоровым и красивым, за беременной женщиной присматривали. Родителям не разрешали причинять боль любому живому существу. Беременной нельзя было ни на кого смотреть с отвращением, беспокойством, не то его ребенок родится таким же.
Жители Енабердино ребенка сразу же крестили. Затем делали праздник для новорожденного «Нуны сюан» (букв. Свадьба ребенка). На праздник не приходили с пустыми руками, кто кашу, кто блины, также и алкоголь несли. На некоторое время ребенка доставали с колыбели, давали подержать крестным, желали ему счастья и расти большим. Гости пили, били в заслонку, пели браными словами. Пили три дня, ходили из дома в дом. Удмурты с древних времен верили в заклинания, порчи. Маленьких детей никогда не оставляли одних. Поэтому пожилые, когда нужно было выйти, у ребенка перед головой, в люльку клали ножницы или нож.
В Енабердино еще сохраняются традиции празднования рождения ребенка, если даже некоторые признаки уже потеряны. Например, многие молодые пары уже не верят заклинания и порчи.
Солдатэ келян
(удм)
Гурт улонысь одӥгез тужгес но ӝожез обряд. Азьло «лекрутъёсыз» соку ик солдатэ уг басьто вылэм. Соос 2-3 арня юмшаса ветлылӥллям гуртэтӥ. Ворсам капкаез но усьтыса, яке капка йылтӥ рад пырыса, пе, ветло вал. Кырӟало, экто но кошко вылэм. Котькудӥз нылкышно, солдатэ кошконо пиез ке вань, лекрутлэн чыртыяз ӵушкон ошыса лэзё вал, пунэмзэ аслаз пиез кошкыку берыктозы шуыса.
«Лекрутъес» вал кыткыса, сьӧрлось гуртэ ӵыжы-выжыоссы доры чик ӧтьытэк мыно вылэм. Кошкон дырыз вуыса, солдатэз келяны родняосыз, гурт калыкез люкало вал. Ӝӧк пуме «пересъёслы» куяськыса вӧсясько, собере сиё-юо вал. Кошкись солдат семъяезлы вазиське таӵе куронэн: «Монэ ӟеч возьмалэ, мурт дуннеын эн куштэ, коньдон ке кури, быгатэмдыя лэзе, гожъялэ мыным гожтэтады ваньмыз сярысь». Собере азбареныз, гидысь пудоен люкиське вылэм.
Со сяна солдатлэсь изьызэ гур вылэ ӝутыса, муръё котыртӥ бергатылӥзы, улэм мед бертоз шуыса. Коркась потон азяз солдатлы анаез мудорысь басьтыса чаркаен вӧсям ву сётэ. Собере солы сюрес вылэ уксё сётылӥзы. Кошкон дырыз вуэм бере, солдатлы нянь ныр сёто, собере со мумыкор борды чапкыса потэ вылэм «Монэ ӟеч возьма!» — шуыса. Коркась потыку солдатэ кошкись мурт «Лекрут гурен» кырӟаса потэ вал.
Милемыз ной уз басьтэлэ ук, кинэ бон басьтозый.
Уз ведь басьтэ нюлэскись-а, бон ук, ой лӥялэз.
Озьы солдатлэн берыз ышытозь, кизэс шонаса, бӧрдыса кылё вал гурт калыкъёс.
Проводы в армию
(рус. перевод)
Одна из самых печальных обрядов из жизни деревни. Раньше «рекрутов» не сразу брали в армию. Они 2-3 недели пировали по деревне. Закрытые (на замок) ворота взламывали или перелазили. Пели, танцевали и уходили. Каждая женщина, у которой есть сын, идущий в армию, вешала на шею рекрута полотенце, чтобы это вернулось, когда пойдет ее сын в армию.
«Рекруты» заправляли лошадь и ехали без приглашения к родственникам из других селений. На проводы собирались родственники и односельчане. На край стола клали пищу умершим предкам и молились, потом уже ели-пили. Уходящий солдат обращался к своей семье с такой просьбой: «Ждите меня, не бросайте меня на чужбине, если деньги попрошу, отправьте по возможности, пишите в письмах обо всем». Потом прощался своим двором и с животными из хлева.
Помимо этого, шапку поднимали на печку, крутили вокруг нее, чтобы вернулся живым. Перед выходом из дома, мать дает выпить стопку освященной воды. Потом ему давали деньги на дорогу. Когда настало время уходить, солдату давали горбушку хлеба. Перед выходом из дома хлопал матицу со словами: «Жди меня!». Выходя из дома уходящий в солдаты запевал «рекрутскую песню»:
Если нас не возьмут, то кого тогда.
Не возьмут же из леса, ой пенька.
До последнего момента, пока видно солдата, жители махали ему рукой, плакали.
Улонысь кошкон
(удм)
Дунне вылэ вордӥськем мурт котькудӥз ик улонысь кошке. Анаймы висиз ни бере, милемлы со шӧдтэк шорысь ӧй вал. Семьяезлы, милемлы ӟеч улыны, вӧсяськыны косӥз. Кулонэз матэ вуыса, священнникез Куракысь отец Викторез ӧтим. Ортчытӥз соборование. Инмарлэсь куриз висись муртлэн вунэтэм сьолыкьёсыз мед куштӥськозы но солы бурмон мед сётӥськоз шуыса. Соборовать карем бере, кылем вӧйзэ сиён пӧлаз тырыны косӥз.
Висемзэ шӧдыса, анаймы каллен азьвыл ик дасяны кутскиз аслыз сопал дунее кошкон дӥсьёссэ. Ачиз вуриз удмурт дэрем, айшет; черкысь басьтӥз вӧсям тӧдьы шобрет, дасяса понӥз кышет но пыдкутчан.
Кулӥз 2019 арын 4 мартэ, 23 час котырын. Лулыз потэм бере, Галя ӵужапайлы вазим. Шуныт вуэ губкаез веттылыса, йыр бордысеныз быдэс мугорзэ миським. Кӧсатэм бере чылкыт дӥськут дӥсяса, шайкоросэ выдтӥмы. Кымысаз венчик но кияз кирос понӥмы, мугорзэ вӧсям шобретэн шобыртӥм. Шайкорослэн ньыль палаз ик сюсьтыльёс пуктӥм: огзэ йыр дораз, мукетсэ пыд дораз, кыксэ шайкорослэн мыд-мыдпалаз. Анаймес ватытозямы, солэн шайкоросэз возын Псалтирь лыдӟимы. Со кулэм муртлы юрттэт курыса Кузё-Инмарлы вазиськон луэ. Коркан кулэм мурт вань дыръя уйин уг изё, коня ке мурт вӧзаз вӧсяськыса пуке. Озьы ик нуназе но вӧзаз пукисьёс вал, кулэм муртэ огназэ кельтыны уг косо. Кулэм муртэ адӟыны лыктэмъёс пызь, кукей, консерва, чай, ческыт сиён вайыса лыкто.
Куинетӥ нуналаз анаймес ватӥмы. Курак черк пушкы пыртамы. Отын священник вӧсяз (отпевание) ортчытӥз. Черк шоры пуконьёс вылэ шайкоросэз пуктыса, ымнырзэ гадь дорозяз усьто: ымнырзэ шундыжужан пала, алтарь пала каро. Вӧсяку келяськыны лыктэм адямиос сюсьтыл ӝуатыса киязы возизы.
Шай вылын гуэз дасямын вал ини, сое вазь чукна ик мыныса иськавынысь воргороньёс гудӥзы. Ымнырыныз шундыӝужан пала карыса ватӥмы, пыд выжыяз Кирос пуктӥмы. Шай гуэ нырысь ик сюй куяло матысь муртъёсыз, собере – вань кылем ватыны лыктэмъёс. Дуно памятник анаймы кулэ ӧз кары, Кирос бордаз Инмар Анайлэсь иконазэ шедьытэ шуиз.
Шай вылэ ветлэмъёс ваньзы нырысь корка пыризы. Киоссэс миськыса, доре пыро. Буре вайыса, сиён веръяса, асьсэ доразы берто.
Похороны
(рус. перевод)
Каждый человек когда-то уходит в другой мир. Мама (мать мужа) уже сильно болела, поэтому для нас это не стало неожиданностью. Нам она пожелала хорошо жить, наказала молиться. Когда почувствовали, что приближается смерть, пригласили отца Виктора из села Кураково. Он провел соборование. Отец Виктор попросил у Бога искупления грехов и исцеления. После соборования остаток масла попросил класть в еду.
Почувствовав болезнь, мама заранее начала готовить для себя вещи для похорон. Сама сшила удмуртское платье, передник; в церкви купила освещенное белое покрывало, также подготовила платок и обувь.
Умерла 2019 года 4 марта, около 23 часов. После того как душа покинула тело, позвали тетю Галю (родная сестра умершей). Обмакивая губку в теплую воду, начали мыть тело с головы до ног. После того как высушили и одели, положили тело в гроб. На лоб положили венчик в руки – крест, тело покрыли освященным покрывалом. На бортики гроба ставили четыре свечи: одна над головой другая – возле ног, остальные две свечи по бокам. До закрытия надгробием, возле гроба читали Псалтирь. Это молитва Богу с просьбой помощи покойнику. Говорят, что нельзя оставлять покойника одного в доме, поэтому не спят, кто-то постоянно находится рядом. Люди, которые пришли навестить покойника, приносят с собой муку яйца, консервы, чай, либо какую-нибудь еду.
Похоронили маму на третий день. Перед погребением занесли в кураковскую церковь. Там священник проводил отпевание. Гроб положили на стулья посреди церкви, приоткрыв освященное покрывало до груди. Голова должна располагаться со стороны востока, алтаря. Во время отпевания пришедшие люди держат в руках горящие свечи.
На кладбище яму уже выкопали рано утром мужчинами из числа родственников. Гроб опускали направленной головой на восток. В первую очередь горсть земли на гроб кидают близкие родственники, потом – все остальные. К ногам поставили крест. Мама не хотела ставить дорогой памятник, попросила, чтобы на кресте была только икона Божьей Матери.
Все люди, которые были на кладбище в первую очередь, заходили в дом покойной. Поминали, пробовали еду и после возвращались к себе домой.
Калык чакланъёс
(удм)
Дауръёс ӵоже удмурт калык чакласькыса улӥз, кызьы одӥг инкуазь явление воштэ мукетсэ, кызьы куазьлэн воштэськемыныз мукетгес луо пудо животъёслэн, тылобурдоослэн, нымы-кибыослэн выросъессы.
Тани куд-ог татын кутӥськись чаклан-веранъёс:
1. Писей гур пушкы пыре ке, куазь кезьыт луоз.
2. Арня нуналэ мисьтаськыны уг яра – алама луоз.
3. Нырулыд лыдэ ке, юон сюроз.
4. Ӵукна ик кырӟаны уг яра, бӧрдод.
5. Пыны быдэс уез вузэ ке, мар ке но семьяяд алама луоз.
6. Сиськыку выж вылэ вилка усе ке, куно пиосмурт вуоз, нош пуньы ке – кышномурт.
7. Писей мисьтӥське – куно лыктоз.
8. Быдэс вылтыр ке висе – зороз.
9. Кулэмъесыз адӟыса вӧтад – буран потоз.
Народные приметы
(рус. перевод)
Веками удмурты наблюдали, как одно природное явление заменяется другим, и как это влияет на домашние животные, птицы, насекомые.
Вот некоторые из этих примет:
1. Кошка заходит в печку – погода будет холодной.
2. В воскресение нельзя стирать вещи – произойдет что-то плохое.
3. Чешется нос – будет пьянка.
4. С самого утра нельзя петь – будешь плакать.
5. Всю ночь воет собака – семье что-то плохое произойдет.
6. Во время еды падает на пол вилка, придет гость мужчина, а если ложка – женщина.
7. Кошка моется – придет гость.
8. Ломит все тело – будет дождь.
9. Приснились покойники – будет буря.