Ӟамейсад
(удм)
Отын вал Ӟамейлэн но Лазыр Зотейёслэн мушъёссы. Ӝук но шыд пӧсьто вал, собере Инмарлы вӧсяськыса сиё вал сое. Туж шулдыр инты вал. Котыр садъёс будо шораз пичи гинэ возь вал. [Л. Т. Никифорова]
Ӟамейсад, кытын ке Черновъёс пруд лэсьтэмын. Туж бадӟым, кыӵе но садъёс отын ӧй вал. Отын вӧсяськын люкасько вал, шыд пӧсьтыло вылэм праздникъёсы Туймы (шур) дурын. Озьы вал дыр но, созэ мон уг тодӥськы ни. Ӝук пӧсьто вал, куазь мед зороз шуса, собере сио вал. Ми пичи вал соку, бадӟым дыръямы ӧй вал ни. Мон тодыса, азьло отчы сӧзьы сёто вал, сӧзьы пизь лэсьтын. Отын возь вал, со возь вылын вӧлдыса, куасьто вал.[Никитина О. Т.]
Ӟамейлэн садэз вылэм. Трос писпуо шулдыр инты. Вӧсяськыны люкасько вылэм. [Елкин И. В.]
(рус. перевод)
Там находились улья Д’з’амея и Лазыр Зотея. Варили кашу и суп, потом молились Инмару и ели приготовленные блюда. Было очень красивое место. Вокруг деревья, по середине маленькая лужайка. [Л. Т. Никифорова]
Ӟамейсад, где сделали Черновы пруд. Сад был большой, каких только деревьев не было. На этом месте собирались молиться, во время праздников возле реки Тоймы готовили суп. Возможно так было, не могу точно сказать. Вызывая дождь варили и ели кашу. Мы были тогда маленькими, в старшем возрасте это уже не проводилось. Помнится, раньше туда отдавали овес. Там был луг, где расстилали и сушили этот овес. [Никитина О. Т.]
Сад Д’з’ямея. Много деревьев, красивое место. Раньше здесь собирались на моления. [Елкин И. В.]
Поркышнокулэм нюлэс
(удм)
Камай палась гурезь йыл сэрегысь нюлэс. Пор кышноез, пе, отысь кулэмен шедьтӥллям. [Елкин И. В.]
Со нюлэс бадӟым ик ӧй вал, отын пор кышноез вийыллям. [Никитина О. Т.]
(рус. перевод)
Лес на углу вершины холма со стороны Камаево. Там нашли мертвую марийскую женщину. [Елкин И. В.]
Он был совсем небольшим, там была убита марийка. [Никитина О. Т.]
Порпалнюлэс
(удм)
Из сюреслэн огпалысьтыз пичи тэль. Сое кенерен котыртыса возё вылэм. Гужем парсьёссэс отчы нуо пастуханы. Одӥг мумы парсь нуо но, 18-20 кузя берто нюлэскысь. [Елкин И. В.]
(рус. перевод)
Лес на одной стороне известняковой дороги. Он был огорожен забором. Летом там пасли свиней. Отводили одну свинью, а возвращались с леса 18-20. [Елкин И. В.]
Иваншурсэрег
(удм)
Иваншурсэрег – нюлэслэн Эльбай пал дурыз, кытын кызьпуос кошко. [Никитина О. Т.]
Муш бакча палась нюлэс. [Елкин И. В.]
(рус. перевод)
Иваншурсэрег – часть леса со стороны Ашпайково (удм. Эльбай), где березы растут. [Никитина О. Т.]
Лес возле пасеки. [Елкин И. В.]
Ягул
(удм)
Ягул – Эльбай гурт палась пужымо но кызо инты, яг. [Елкин И. В.]
(рус. перевод)
Ягул – со стороны деревни Ашпайково, сосновый и еловый бор. [Елкин И. В.]
Стёпанмушбакча
(удм)
Вӧсяськонгоплэн, Аталгоплэн тапалаз трос сад вал. Мушбакча вылэм отын, пичи ошмесэз но вал. Стёпанмушбакча шуо вал. Отын вӧсяськыло вылэм, пудо вандылыса вӧсь сёто. Ми пичи дыръя но вӧсясько вал дыр. Куала инты шуо вал отӥ. Асьме гуртъёс гинэ вӧсяськыны ветло вал, серлось ветлэмзэc уг тоськы. [Никитина О. Т.]
(рус. перевод)
У Вӧсянгопа и Аталгопа, со стороны Енабердино, был большой сад. Там была пасека и маленький родник. Называли Стёпанмушбакча. Там бывало молились, жертвовали скотом. Наверное, когда мы были детьми, тоже еще молились. Это место называли местом святилища Куала. Ходили только местные жители, не знаю, чтобы ходили с других деревень. [Никитина О. Т.]